O Concello de Castrelo de Miño adica a Feira de novembro á música cun extraordinario concerto de zanfonas.

O Concello de Castrelo de Miño organiza este 28 de novembro, último domingo de mes a habitual Feira de Castrelo de Miño no entorno do Parque Náutico.

Neste mes de novembro e coincidindo coas celebracións da semana da música (co gallo da celebración da Santa Cecilia, patroa dos músicos), o Concello vai organizar unha grande feira adicada á música, onde todos os visitantes poderán disfrutar mentres mercan dun extraordinario concerto de zanfonas e dunha demostración de cómo é o son das zanfonas actuais, e as tendencias dos zanfoneiros de hoxe. Será a partires das 12h da Mañá na Feira de Castrelo de Miño.

A piques de finalizar as obras de ampliación da estrada OU-402 e OU-403 e a construcción da nova ponte sobre o río Miño.

Tras longos meses de traballo, nestes días estánse realizando as derradeiras obras da ampliación da estrada OU-402 e OU-403 (Castrelo – San Paio). Estas obras inclúen a construcción dunha nova ponte sobre o río Miño e a mellora dos accesos á autovía A-52.

 

BANDO 44/2010: PROGRAMA “XUNTOS POLO NADAL”

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que dirixido a persoas maiores que valéndose por si mesmas e contando con escasos recursos económicos, non teñan con quen pasar este Nadal, a Dirección xeral da Dependencia e Autonómia Persoal organiza o Programa “Xuntos polo Nadal”.

Este programa é totalmente gratuíto, vaise denenvolver dende o día 24 de decembro de 2010 pola maña, ata o 1 de xaneiro de 2011, pola tarde, nas Residencias de Tempo Libre dependentes da Consellería de traballo e Benestar.

Os participantes aloxaranse, en habitacións compartidas, na residencia de Tempo libre de Panxón.

Para solicitalo dirixirse ós servizos sociais do Concello de Castrelo de Miño antes do 30 de novembro de 2010.

O que se fai público para xeral coñecemento.

BANDO 43/2010: PROGRAMA RESPIRO FAMILIAR

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que para dar resposta á necesidade de dispor dun tempo de descanso para as persoas que están desempeñando a función de coidadores de persoas dependentes, dende a Dirección Xeral de Dependencia e Autonomía Persoal estase a dar un impulso ó Programa de Respiro familiar,co fin de garantir que todas aquelas persoas que están sendo atendidas no seu domicilio por coidadores poidan acceder temporalmente, mediante estadías de fin de semana ou quincenais, a unha praza nun centro residencial para persoas en situación de dependencia.

A consellería de Traballo e Benestar para facilitar o acceso a este Programa faise cargo do 55% do custo da praza establecida para ambas modalidades de tal xeito que a achega do usuario de estadía quincenal é de 315 € por praza e no caso de facer uso dunha estadía de fin de semana completo de 54 € por praza. Para aquelas persoas solicitantes de estadía quincenal que acrediten unha situación económica que non lles permita facer a achega establecida contemplase a posibilidade de beneficiarse deste tipo de estadía de xeito gratuíto.

Para mais información dirixirse ós Servizos Sociais do Concello de Castrelo de Miño

O que se fai público para xeral coñecemento.

BANDO 42/2010: XORNADA INFORMATIVA EN CASTRELO DE MIÑO: AXUDAS E SUBVENCIÓNS DO PROGRAMA LEADER

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que a asociación de desenvolvemento rural “Asociación Carballiño – Ribeiro”, foi seleccionada como Grupo de Desenvolvemento Rural mediante acordo do Consello de Dirección de Agader do 12 de xuño de 2009. Do GDR-9 “Asociación Carballiño – Ribeiro”, son socios entre outros o Concello de Castrelo de Miño (sendo o propio alcalde Xurxo Rodríguez Méndez Vicepresidente do GDR-9) e moitas asociacións do noso Concello, podendo tamén optar ás axudas as persoas físicas e xurídicas que promovan un proxecto do noso concello.

O programa Leader de desenvolvemento rural de Galicia 2007-2013 ten por obxectivo implicar ós diferentes sectores da zona, en proxectos produtivos, coa finalidade de elaborar unha estratexia de desenvolvemento, onde as persoas físicas e xurídicas que promovan un proxecto nas comarcas do Ribeiro e o Carballiño poderán solicitar unha subvención para levalo a cabo.

Co fin de darlle unha ampla información sobre estas axudas, convídoo á xuntanza informativa que terá lugar no

Salón de Actos do Albergue Municipal

sito no Parque Náutico de Castrelo de Miño

o vindeiro venres 19 de novembro de 2010

ás 20:00 horas.

O que se fai público para xeral coñecemento.

BANDO 41/2010: CAMPAÑA DE AFORRO NA FACTURA DA LUZ DOS FOGARES

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que o pasado 1 de xullo de 2009, o goberno español puxo en marcha unha serie de medidas en relación coas tarifas eléctricas

1.Mire se a súa potencia contratada é de mais de 10 Kw ou menor; para iso debe consultar a factura.

B) Se ten unha potencia igual ou inferior a 10 kw pode acudir ó mercado libre ou manterse na actual situación, que é a chamada tarifa de último recurso (TUR)que é unha medida que consiste nunha conxelación da tarifa vixente dende o 1 de xullo de 2009 durante dous anos ( é automática e non hai que pedila). A TUR é unha tarifa regulada, e polo tanto, non é de libre fixación polas comercializadoras.A) Se é a súa potencia superior a 10 Kw, ten obrigatoriamente que contratar a subministración de luz cunha empresa comercializadora no mercado libre, xa que se non o fai aplicaranlle unha recarga do 20%.

B.1) se está acollido á TUR pode solicitar o denominado BONO SOCIAL, para ser beneficiario deste bono requirese que a vivenda sexa a habitual e ademais cumprir algún dos seguintes requisitos:

• Pensionistas con prestacións mínimas.
• Familias numerosas.
• Fogares onde todos os seus membros estean en situación de desemprego.
• Potencia contratada inferior a 3 KW ( neste  caso é automático e non hai que pedilo).

Para solicitar o bono social pode dirixirse ós servizos sociais do Concello de Castrelo de Miño ou dirixirse a comercializadora de enerxía, por correo ordinario, fax ou correo electrónico, tamen poderá solicitalo nas oficinas da distribuidora.

Para mais información pode dirixirse:

– Teléfono gratuíto de Consumo 900 23 11 23

– Oficinas de información ó consumidor da FEGAMP

– Asociacions de Consumidores

O que se fai público para xeral coñecemento.

Festa de Oleiros o vindeiro sábado 13 de novembro

BANDO 40/2010: INSPECCIÓN TÉCNICA DE VEHÍCULOS AGRÍCOLAS.

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que a empresa Supervisión y Control, S.A., encargada da inspección técnica de vehículos, estará neste concello os días 18 e 19 de novembro co fin de pasa-las inspeccións periódicas ós vehículos agrícolas no lugar e co horario que a continuación se indican:

DÍAS: 18 e 19 de novembro de 2010.

HORARIO: mañá: de 09:00 a 13:30 horas – tarde: de 15:30 a 18:00 horas.

LUGAR: Explanada do edificio de turismo náutico.

Asígnarase día e hora de atención ó público, directamente na unidade móbil ou chamando ó teléfono 609.13.99.56.

Cómpre indicar que é preciso que tódolos tractores agrícolas deberán ter incorporado o dispositivo de luz xiratoria (RD 1428/2003), xa que de non o presentar serán rexeitados.

O que se fai público para xeral coñecemento.

 

 

BANDO 39/2010: INTERRUPCIÓN DE TRÁFICO NA PRESA DE CASTRELO DE MIÑO

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

FAGO SABER que Gas Natural Fenosa comunicou que por razóns técnicas de mantemento, Gas Natural Fenosa procederá ó corte do acceso á Presa de Castrelo de Miño, o luns, día 8 de novembro 2010, entre as 08:00 horas e as 17:00 horas.

A ruta alternativa ou tránsito proposto, é a seguinte:

Acceso desde autovía A-52, con direción a Castrelo de Miño:

Tomar a Ou-406, hasta enlazar coa OU-352, para continuar pola OU-402 hasta destiño. (Sentido inverso para direción Castrelo de Miño pola Autovía A-52.)

O que se fai público para xeral coñecemento.