Celebra a “Feliz Novidade!” – Comparte o video turístico promocional de Castrelo de Miño.

Para compartir o video difunde o seguinte enlace:
http://www.youtube.com/watch?v=6C-R3Gx9-y8

Advertisements

BANDO 38/2010: PLAN DE VIVENDA: REXISTRO DE VIVENDAS E FINCAS EN VENDA OU ALUGUER

XURXO RODRÍGUEZ MÉNDEZ, ALCALDE-PRESIDENTE DO CONCELLO DE CASTRELO DE MIÑO (OURENSE).

Fago saber que todo aquel que teña unha vivenda, terreo ou finca en Castrelo de Miño e estexa interesado na súa venda ou aluguer poderá publicitala a partires de agora nun rexistro de propiedades que se comezará a elaborar na casa do Concello a partir do día da publicación deste bando. Todos os datos relacionados con ditas vivendas publicitaranse unha vez se teñan recompilado nun novo espazo da páxina web do Concello, que ten recibido máis de 115.000 visitas, así como en anuncios promocionais nunha campaña que se fará nos vindeiros meses. Todos aqueles que así o desexen poderán aportar fotografías e textos que reflictan fielmente as vivendas e terreos que desexen publicitar para a súa venda ou aluguer. Se algunha persoa non puidese aportar material fotográfico, o persoal do Concello achegaríase ata o lugar para realizar as fotografías necesarias. Aquelas persoas interesadas, poden achegarse á casa consistorial, en horario de oficina para facer dito rexistro.

O que se fai público para xeral coñecemento.