I xuntanza de enduro en Castrelo de Miño, o vindeiro domingo 24 de abril

Xornada técnica sobre o turismo náutico nos encoros e ríos de Galicia.

Lúns, 28 de marzo de 2011 Centro ao Aire Libre de Castrelo  Parque Náutico de Galicia – Castrelo de Miño

Consulta o programa

Con Cataluña como favorita celébrase este fin de semana a Copa do Rei de Remo en Castrelo de Miño

– A Copa do Rey Cabreiroá foi presentada oficialmente na Deputación de Ourense.
– Confirmada a presenza dos seleccionados de Andalucía, Aragón, Asturias, Cantabria, Cataluña, Galicia, Madrid, Navarra, Valencia e o País Vasco.
– En total 700 deportistas das categorías cadete, xuvenil e sénior, tanto masculinos coma femininos. O número de botes en competición será de 106.
– As mangas celebraranse o sábado 12 e as finais o domingo 13.

Presentouse na Deputación de Ourense a 23º Copa do Rei Cabreiroá de Remo, que se celebrará no Encoro de Castrelo de Miño este fin de semana, con presenza de 106 botes de remo de banco móbil de dez comunidades autónomas cuns 700 deportistas de elite cadetes, xuvenís e sénior de ambos os dous sexos. No multitudinario acto, que estivo presidido polo Presidente da Deputación, José Luis Baltar e que contou coa presenza do Alcalde de Castrelo, Xurxo Rodríguez estiveron presentes representantes da Federación Española e Galega de Remo, así como do Real Club Náutico de Vigo e do Club Náutico Castrelo de Miño, e dos patrocinadores que fan posible que este importante evento teña lugar en Ourense: Xunta de Galicia, Augas de Cabreiroá, Novacaixagalicia e Begano-Coca Cola.
Confirmouse que na liña de saída estarán uns 700 atletas de toda España, sendo as expedicións máis numerosas as de Cataluña e Andalucía que presentan equipos en todas as categorías: 7 de cadete que competirán en 1500 metros, 6 xuvenís e 6 séniors (ambas as dúas farano en dous mil metros). As embarcacións de maior eslora serán os outrigger a 8 máis temoneiro para os homes e dobre scull para as féminas. A xornada do venres dedicarase aos adestramentos oficiais e inscricións, e o sábado-domingo á competición.

Seguir lendo

1º Campionato de Futsal Feminino de Castrelo de Miño o vindeiro 19 de marzo

Dez institucións públicas e Gas Natural Fenosa, manifestan o seu apoio ao Parque Náutico de Castrelo de Miño e á creación dunha Organización estable para a súa xestión.

Hoxe asinouse o protocolo de apoio e creouse unha Comisión Xestora Permanente que no prazo de 2 meses constituirá unha organización estable na que estarán todos presentes para a xestión do Parque Náutico de Galicia.

Convocados polo alcalde do Concello de Castrelo de Miño Xurxo Rodríguez Méndez a unha xuntanza co motivo de buscar apoios de cara á creación dun ente que xestione e explote as instalacións públicas municipais do Parque Náutico de Galicia sito en Castrelo de Miño, para a promoción das actividades deportivas, turísticas, socioculturais e de ocupación do tempo libre acudiron hoxe a Castrelo de Miño as seguintes institucións, a cuxas sedes centrais acudira anteriormente o alcade para recabar o seu apoio.

Asistiron e asinaron:

D. Plácido Alvarez Dobaño, vicepresidente da Deputación Provincial de Ourense en nome e representación desta e actuando en exercicio do seu cargo.

D. Mario Guede Fernandez, Xefe do Servizo de Deportes da Xunta de Galicia en Ourense, en nome e representación da Delegación territorial da Xunta de Galicia en Ourense e da Secretaría Xeral para o Deporte da Xunta de Galicia actuando en exercicio do seu cargo.

D. Manuel Arias Carral, secretario xeral da Subdelegación del Gobierno de España en Ourense en nome e representación da Subdelegación del Gobierno actuando en exercicio do seu cargo.

D. Agustín Sevilla Briceño, Conselleiro técnico de Presidencia da Confederación Hidrográfica Miño-Sil en representación desta e actuando en exercicio do seu cargo.

D. Alfonso Luengo Alvarez-Santullano, Subdirector General de Infraestruturas deportivas y Administración Económica do Consejo Superior de Deportes en representación deste e actuando en exercicio do seu cargo.

D. Xose Henrique Costas González, vicerreitor de Extensión Universitaria da Universidade de Vigo, en representación desta e actuando en exercicio do seu cargo.

D. Jose Prada Alvarez, Presidente da Federación Galega de Remo en representación desta e actuando en exercicio do seu cargo.

D. Fernando Climent Huerta, Presidente da Federación Española de Remo en representación desta e actuando en exercicio do seu cargo.

D. Luis Pertierra Fernanez, Xefe de Operación Centralizada Unidade Hidráulica Gas Natural Fenosa, en representación desta e actuando en exercicio do seu cargo.

Seguir lendo

Un almanaque promociona Castrelo de Miño con fotografías de todas as parroquias.

Traballadores do Concello de Castrelo de Miño remataron de repartir nestes días por todas as casas do municipio un almanaque turístico e promocional. As autoridades locais consideran que se trata dunha iniciativa coa que se pretende ‘pór en valor os recursos turísticos e patrimoniais’, segundo apuntou o alcalde Xurxo Rodríguez e tamén promocionar “o comerzo do noso Concello”

O almanaque consta dunha portada, na que se recolle unha fotografía dunha tenda tradicional sita en Santo Estevo, e de 12 fotografías, unha por mes, con imaxes de tódalas las parroquias.

Este é o segundo ano que desde o actual equipo de goberno se leva adiante esta iniciativa. “No 2010 centrámonos nos recursos turísticos e patrimoniais, pero este ano 2011 o que queremos pór en valor son as persoas de Castrelo de Miño, os nosos veciños e veciñas”. Así recóllense en distintos meses fotografías dos equipos deportivos creados nos últimos 2 anos,  os integrantes dos obradoiros de emprego e as obras realizadas, as tendas e no apoio ao comerzo en Castrelo de Miño, a recuperación da Feira mensual, o novo catamarán e as novas zonas de pesca no río Miño ou a agrupación de voluntarios de Castrelo de Miño.

Fases lunares

Ademais, apuntan as autoridades municipais que se puxo especial empeño durante a súa elaboración en reflexar as distintas fases lunares para que os veciños coñezan os momentos óptimos para a realización das diferentes labores do campo. Por outra banda, o rexidor destaca que ‘tamén ten unha función turística e promocional fóra de Castrelo de Miño’, xa que está previsto a súa distribución en feiras’.

Pódese acceder a unha versión dixital do almanaque na seguinte ligazón:
Almanaque de Castrelo de Miño do ano 2011

*

Nesta outra ligazón tamén se pode consultar o do pasado ano 2010:

Almanaque de Castrelo de Miño do ano 2010

Celebra a “Feliz Novidade!” – Comparte o video turístico promocional de Castrelo de Miño.

Para compartir o video difunde o seguinte enlace:
http://www.youtube.com/watch?v=6C-R3Gx9-y8