O secretario xeral para o Deporte destaca que 59 clubs de toda España participarán este fin de semana en Castrelo do Miño no Campionato de España de remo olímpico

José Ramón Lete Lasa presentou hoxe esta proba e salientou que Galicia estará representada por 18 agrupacións

Están apuntadas ás probas preto de 400 embarcacións

O secretario xeral para o Deporte, José Ramón Lete Lasa, presentou hoxe na sede deste departamento no estadio de San Lárazo o Campionato de España de remo olímpico que se celebrará este fin de semana no encoro de Castrelo do Miño, en Ourense. Lete Lasa destacou que a localidade ourensá acollerá participantes de 59 clubs de diferentes zonas de España, de entre 10 e 16 anos, e preto de 400 embarcacións.

O secretario xeral para o Deporte estivo acompañado nesta presentación polo presidente da Federación española de remo, Fernando Climent, o presidente da Federación galega, José Prada, o alcalde de Castrelo do Miño, Xurxo Rodríguez, ademais das directivas dos clubes galegos participantes nas probas.

Campionato de España de Remo 2009 en Castrelo de Miño

Divírtete en Castrelo de Miño có “Ourense Lúdico” durante todo o verán.

Todos os xoves dos meses de Agosto, Setembro e Outubro no entorno do Clube Náutico, de 18:30 a 20:30 horas.

Este ano 2009 Castrelo de Miño foi un dos concellos incluídos dentro do Programa “Ourense Lúdico” que organiza a ASPGP e a Deputación de Ourense.

Monitores profesionais realizarán para todos os nenos de 3 a 14 anos actividades artísticas e lúdicas como:

Recortables, Papiroflexia, Globoflexia, Modelado, Pintura, Reciclaxe, Cestería, Tear, Xogos Tradicionais, Tridimensionais, Obradoiros variados, Xogos Cooperativos, Sendeirismo, Xornalismo, Radio…

Xa están avanzados os traballos de mellora e ampliación do sendeiro de Casardeita á Ermida e da mellora da praza da festa do Santiago

As melloras consisten na limpeza, ampliación e mellora do camiño/sendeiro que une os pobos de Casardeita e a Ermida, e que pasan polo campo da festa do Santiago. Nesta zona estase tamén achandar a superficie irregular, e realizarase unha nova pavimentación.

Comezaron os traballos de reforma e mellora da fonte-lavadoiro de Ramiras

Xa están avanzados os traballos de mellora e reforma da fonte-lavadoiro de Ramiras. Procedeuse a retirada do tellado de uralita e soportes de ferro, e á mellora e sellado dos depósitos de auga. Xa están tamén colocadas os novos pilares de granito sobre os que irá situado o novo tellado de madeira e tella do país.

A concellería de xuventude do Concello de Ourense organiza actividades para a mocidade en Castrelo de Miño

Coa colaboración do Concello de Castrelo de Miño e do Clube Náutico, a concellería de xuventude do concello de Ourense, organiza o programa EMBÁRCATE, para mozos de 16 a 35 anos. Con esta nova actividade Castrelo de Miño continúa dando a coñecer as súas instalacións na cidade de Ourense e converténdose nun referente deportivo e turístico.

Os mozos da cidade poderán obter o título de patrón de embarcación de recreo e gozar dun bautismo náutico grazas á colaboración da Concellaría de Xuventude, o Concello de Castrelo de Miño e o Club Náutico deste municipio. No curso de patrón de embarcacións poderán participar mozas de entre 16 e 35 anos. Comezará a finais de xullo e prolongarase até setembro, sinalou a edil Marta Arribas.

O bautismo náutico consiste nun fin de semana (o de 8 de agosto ou o do 22 dese mes) de iniciación a deportes náuticos e aloxamento no Albergue Municipal de Castrelo de Miño.

A Televisión de Galicia visita Castrelo de Miño para informar de como os veciños dinamizaron e puxeron en valor o seu monte.

Ver video premendo na seguinte ligazón

Comezaron as obras de mellora do entorno da praza de Astariz

É un dos proxectos do Fondo Estatal de Inversión Local, e ten un importe de 46.455 euros.

Rematadas as obras de ampliación e mellora do camiño de Fontefría en Troncoso.

As obras de ampliación e mellora do camiño de Fontefría en Troncoso permite que os veciños de Troncoso dispoñan dun novo acceso á parte alta do pobo.

Comezou a limpeza dos regueiros de Castrelo de Miño

O pasado 4 de xuño o alcalde de Castrelo de Miño e o presidente da Confederación Hidrográfica do Miño-Sil, mantiveron unha reunión de traballo na que o alcalde lle trasladou a necesidade de limpar as marxes de dous regueiros que atravesan o municipio e que son afluentes do Miño, o Fragoso e o Cuqueira. Fernández Liñares mostrouse disposto a levar a cabo os traballos de limpeza neses dous ríos, concretamente nun traxecto de 2 quilómetros do río Fragoso e 2,5 Kilómetros do Cuqueira, cun custo considerado superior aos 50.000 euros. “Dende a Confederación estase a facer un traballo importante para manter todos os ríos da conca no mellor estado posible, por iso, estamos a facer un esforzo económico e de persoal para acelerar as limpezas das marxes”, sinalou o repecto o presidente desta conca fluvial.

Este venres 26 de xuño, comezou a limpeza no regueiro da Cuqueira.

Este mércores 24 de Xuño abren as piscinas municipais.

Con data 24 de xuño de 2009 procedese á apertura das piscinas municipais de Castrelo de Miño, que permanecerán abertas en período estival, en horario de once (11:00) a vinte e unha (21:00) horas, todos os días da semana.

Instalación de novas barandillas en zonas de risco.

Foron instaladas en tres zonas de risco, na praza de Ramiras, no campo da festa de Santo Estevo, e na ampliación dos viais de acceso ao polígono agrario de asociación das Bouzas, lugares dun elevado tránsito de persoas e vehículos, e con muros desprotexidos de grande altura.