Comezaron as obras do Fogar Social de Día.

Comezaron as obras do Fogar Social de Día, unha obra promovida polo Concello de Castrelo de Miño.

Os veciños de Castrelo de Miño contarán nos próximos meses cun centro de día para a atención dos seus maiores. O novo edificio acollerá, ademais, os servizos de xantar sobre rodas, comedor social e lavandaría. Terá baños e servizos adaptados, sala de coidados, sala de atención persoal, así como varios salóns polivalentes onde se realizarán actividades de rehabilitación, terapia ocupacional e animación sociocultural, indicou o alcalde deste municipio, Xurxo Rodríguez.

A súa posta en funcionamento xerará postos de traballo para os veciños de Castrelo, que xa se están formando no módulo de Benestar, no taller de emprego e asistindo a cursos de asistencia a domicilio. O investimento total ascenderá a 214.161 euros e situarase nun terreo de propiedade municipal en Puxeiros, nas inmediacións do Colexio Público. O novo centro empezará a funcionar neste ano 2010. Para o alcalde esta era unha obra necesaria e prioritaria, xa que “máis dun 40% dúas nosos veciños teñen unha idade superior aos 65 anos, superando a media galega, e precisan urxentemente de coidados acordes para a súa idade, e con este centro de servizos de benestar, imos conseguir prolongar a súa residencia non seu propio entorno e fogar ou máximo tempo posible”’.