A elite europea de remo cítase en Castrelo de Miño

p1030518.jpg

A segunda edición do Descenso de remo de O Ribeiro comeza a tomar corpo. Moitos dos remeiros que irán aos Xogos Olímpicos de Pekín estarán competindo na chamada “Ría de O Ribeiro”. Trala súa presentación fai unhas semanas en Fitur, onte era a quenda para a sala de xuntas da Diputación provincial.

Nese marco dábanse a coñecer datos e detalles da segunda edición do Descenso de remo de O Ribeiro, unha proba que se disputará do 29 de febreiro ao 2 de marzo dende Laias ata o embalse de Castrelo de Miño tras cubrir un percorrido total previsto de 6.500 metros.

A proba, que agora recibe tamén o nome de Open das Nacións, está reservada a embarcacións olímpicas de remo das categorías de 8 con timonel e 4 feminino, todo iso para reunir a 50 embarcacións e uns 400 remeros. Xa confirmaron a súa presenza equipos de España, Portugal, Rumanía, Bélgica, Francia, Inglaterra, Bulgaria e Suecia, seleccións estas dúas últimas que estarán xa en Ourense para iniciar a concentración e os adestramentos este fin de semana. O torneo iniciarase o venres 29 coa sesión de adestramentos oficiais, mentres o día 1, a partir das 15,00 horas, disputarase a competición de 1.000 metros saíndo os barcos en tandas de seis equipos e contra o reloxo. O domingo 2 iniciarase a xornada ás 11,00 horas coa celebración da proba reina, a do Descenso sobre 6.500 metros contra o crono desde o balneario de Laias e con chegada no Club Náutico de Castrelo. (…)

Noticia extraída da edición dixital de La Región do día de hoxe.

O evento, que conta cun orzamento de 140.000 euros e coa implicación de varias empresas galegas, levou ademais a mellora nas instalacións deportivas de Castrelo, dado que dende onte conta con tres novos pantaláns.

Advertisements

Deixar unha resposta

Please log in using one of these methods to post your comment:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: