O almanaque consta dunha portada, na que se recolle unha fotografía dunha tenda tradicional sita en Santo Estevo, e de 12 fotografías, unha por mes, con imaxes de tódalas las parroquias.

Este é o segundo ano que desde o actual equipo de goberno se leva adiante esta iniciativa. “No 2010 centrámonos nos recursos turísticos e patrimoniais, pero este ano 2011 o que queremos pór en valor son as persoas de Castrelo de Miño, os nosos veciños e veciñas”. Así recóllense en distintos meses fotografías dos equipos deportivos creados nos últimos 2 anos,  os integrantes dos obradoiros de emprego e as obras realizadas, as tendas e no apoio ao comerzo en Castrelo de Miño, a recuperación da Feira mensual, o novo catamarán e as novas zonas de pesca no río Miño ou a agrupación de voluntarios de Castrelo de Miño.

Fases lunares

Ademais, apuntan as autoridades municipais que se puxo especial empeño durante a súa elaboración en reflexar as distintas fases lunares para que os veciños coñezan os momentos óptimos para a realización das diferentes labores do campo. Por outra banda, o rexidor destaca que ‘tamén ten unha función turística e promocional fóra de Castrelo de Miño’, xa que está previsto a súa distribución en feiras’.

Pódese acceder a unha versión dixital do almanaque na seguinte ligazón:
Almanaque de Castrelo de Miño do ano 2011

*

Nesta outra ligazón tamén se pode consultar o do pasado ano 2010:

Almanaque de Castrelo de Miño do ano 2010

Para compartir o video difunde o seguinte enlace:
http://www.youtube.com/watch?v=6C-R3Gx9-y8

Denominación: Curso práctico na loita contra incendios

Tipo: curso práctico.

Horas lectivas: 20.

Modalidade: presencial.

Obxectivos: Dotar o persoal voluntario do sistema integrado de protección civil e emerxencias de Galicia, o que se refire o artigo 43.3º da Lei 5/2007, do 7 de maio, de emerxencias de Galicia, da formación básica necesaria para obter a acreditación necesaria para o exercicio da súa función, conforme o establecido no artigo 46.3º desta lei.

Contido:

1. Equipos de protección térmica

2. Extinción de incendios clase A-B

3. Manexo de equipos ERA

4. Rede contra incendios:

a. Conexión/desconexión; tendido/pregado.

b. Construción de liñas de extinción con mangueiras de diferentes tipos e diámetros, liñas de distribución, protección e ventilación. Montaxe de diferentes sistemas de xeración de espuma. Manexo de diferentes clases de espumóxeno, con indicación das súas vantaxes e inconvenientes.

c. Prácticas estáticas con presión de auga, e adestramento na composición de equipos de extinción.

5. Módulo de igualdade de oportunidade

Destinatarios/as: persoal voluntario de protección civil.

Prazo para a presentación de solicitudes rematará o día30 de maio de 2010.

Requisitos: ter realizado o curso básico de protección civil e o curso sobre prevención e loita contra incendios urbanos e forestais antes de rematar o prazo de finalización de presentación de solicitudes.

Denominación: Busca e salvamento en montaña e zonas illadas.

Tipo: curso.

Horas lectivas: 25.

Modalidade: presencial.

Obxectivos: Dotar o persoal voluntario do sistema integrado de protección civil e emerxencias de Galicia, o que se refire o artigo 43.3º da Lei 5/2007, do 7 de maio, de emerxencias de Galicia, da formación básica necesaria para obter a acreditación necesaria para o exercicio da súa función, conforme o establecido no artigo 46.3º desta lei.

Contido:

• Xeneralidades.
• Coordinación do socorro.
• Protocolos de busca. Distribución de tarefas.
• Orografía e cartografía.
• Lectura e interpretación de mapas.
• Principios básicos de orientación e utilización do compás.
• Métodos de busca de persoas desaparecidas.
• Busca en situacións especiais.
• Técnicas de busca e salvamento en zonas de difícil acceso.
• Axentes agresores na montaña.
• Actuacións en situacións de risco vital.
• Técnicas de inmobilización e traslado con medios convencionais e improvisados.
• Consellos prácticos para a prevención de accidentes.

Destinatarios/as: persoal voluntario de protección civil.

Prazo para a presentación de solicitudes rematará o día 30 de maio de 2010.

Requisitos: ter realizado o curso básico de protección civil.

Os interesado en participar e que cumpran os requisitos para realizar o curso poderán achegarse ata as oficinas municipais para cubrir a solicitude de participación.

Denominación: Prevención e loita contra incendios urbanos e forestais.

Horas lectivas: 40.

Modalidade: Presencial.

Obxectivos: dotar os integrantes dos servizos de protección civil dunha formación teórico-práctica que lles facilite a realización das tarefas que teñan encomendadas, adquirindo unha especialización na prevención e loita contra os incendios, tanto urbanos como forestais.

Destinatarios/as: os cursos van dirixidos aos integrantes dos servizos de protección civil da Comunidade Autónoma de Galicia que superasen o curso básico de protección civil.

Desenvolvemento da actividade:

• Lugar: determinarase en función da localización das solicitudes recibidas.
• Datas: confirmarase coa suficiente antelación ao seu inicio.
• Prazo de presentación de solicitudes rematará o 17 de marzo de 2010.

Os interesado en participar e que cumpran os requisitos para realizar o curso poderán achegarse ata as oficinas municipais para cubrir a solicitude de participación.

Denominación: Curso básico de Protección Civil.

Tipo: curso.

Horas lectivas: vinte.

Modalidade: presencial.

Obxectivos: Dotar o persoal voluntario do sistema integrado de protección civil e emerxencias de Galicia, o que se refire o artigo 43.3º da Lei 5/2007, do 7 de maio, de emerxencias de Galicia, da formación básica necesaria para obter a acreditación necesaria para o exercicio da súa función, conforme o establecido no artigo 46.3º desta lei.

Contido: Programa da actividade

• Módulo I: a protección civil.
• Módulo II: os riscos, accidentes e autoprotección.
• Módulo III: loita contra os incendios.
• Módulo IV: comunicacións.
• Módulo V: actuacións básicas ante emerxencias médicas.

Destinatarios/as: persoal voluntario de protección civil.

Prazo para a presentación de solicitudes rematará o día 16 de febreiro de 2010.

Os interesado en participar e que cumpran os requisitos para realizar o curso poderán achegarse ata as oficinas municipais para cubrir a solicitude de participación.

Denominación: actualización de primeiros auxilios.

Tipo: curso.

Horas lectivas: catro.

Modalidade: presencial.

Obxectivos: difundir as novas recomendacións en soporte vital básico. Mellorar o prognóstico da parada cardiorrespiratoria (PCR). Difundir as normas e técnicas de actuación na atención ao paciente dentro das principais situacións de urxencia e emerxencia sanitaria ante as que se poden atopar os membros dos servizos de emerxencia e protección civil.

Contido: o contido do curso de actualización de primeiros auxilios divídese en dúas partes:

-Teoría: (1 hora).

-Práctica: (3 horas).

Destinatarios/as: persoal dos servizos de emerxencias e protección civil.

Prazo para a presentación de solicitudes rematará o día 23 de outubro de 2009.

Desenvolvemento da actividade.

Lugar: Agasp.

Horario: 9.30 ás 14.00 horas.

Data de comezo: 4-11-2009.

Data de remate: 4-11-2009.

Exixencias: os cursos van dirixidos aos membros dos servizos de emerxencias e protección civil da Comunidade Autónoma de Galicia, que teñan realizado o curso básico de protección civil e un curso de segundo nivel.

Os interesado en participar e que cumpran os requisitos para realizar o curso poderán achegarse ata as oficinas municipais para cubrir a solicitude de participación.

Denominación: plans de emerxencia municipal: elaboración e implantación.

Tipo: curso.

Horas lectivas: 26 horas.

Modalidade: presencial.

Obxectivos: con este curso preténdese dotar o persoal responsable da elaboración e implantación do Plan de emerxencia municipal dunha formación teórico-práctica que lle facilite a realización de métodos de prevención e planificación necesarios, en función dos posibles riscos a que están expostos os seus concellos.

Contido:

-Estrutura e organización do Pemu.

-Cecopal.

-Cartografía dixital do Plan de emerxencias.

-Operatividade.

-Os arquivos informáticos.

-Catálogo de medios e recursos.

-Tipoloxía de riscos.

-Análise e determinación de riscos.

Destinatarios/as:

-Persoal técnico dos concellos con responsabilidade na elaboración do Plan de emerxencia municipal (Pemu).

-Responsables das agrupacións de voluntarios de protección civil da Comunidade Autónoma de Galicia (presidente, xefe, subxefe e xefe de grupo), que colaboren na elaboración e implantación do Pemu.

Prazo para a presentación de solicitudes rematará o día 20 de outubro de 2009.

Desenvolvemento da actividade.

Lugar: Academia Galega de Seguridade Pública.

Horario: 9.30 a 14.00 horas.

16.00 a 20.00 horas.

Data de comezo: 2-11-2009.

Data de remate: 5-11-2009.

Os interesado en participar e que cumpran os requisitos para realizar o curso poderán achegarse ata as oficinas municipais para cubrir a solicitude de participación.

Denominación: primeiros auxilios e excarceración.

Tipo: curso.

Horas lectivas: 40 horas.

Modalidade: presencial.

Obxectivos: dotar o persoal dos servizos de emerxencias e protección civil de Galicia dos coñecementos e destrezas necesarios en primeiros auxilios e excarceración, co fin de que cando teñan que intervir en situacións de emerxencia o fagan con total seguridade.

Contido: no curso trataranse, entre outros, os seguintes temas:

a) O accidente de tráfico. Sinalización, regulación e avaliación de riscos.

b) Primeiros auxilios. Queimaduras. Traumatismos cranioencefálicos, da columna e torácico-abdominais. Fracturas, escordaduras e contusións.

c) A asistencia de urxencias na nosa comunidade. Transporte do lesionado.

d) Excarceración de vítimas atrapadas no interior de vehículos accidentados.

Destinatarios/as: persoal dos servizos de emerxencia e protección civil da Comunidade Autónoma de Galicia.

Prazo para a presentación de solicitudes rematará o día 13 de outubro de 2009.

Desenvolvemento da actividade.

Lugar: Academia Galega de Seguridade Pública.

Horario: 9.30 a 14.00 horas.

16.00 a 20.00 horas.

Data de comezo: 19-10-2009.

Data de remate: 23-10-2009.

Exixencias: o curso vai dirixido aos membros dos servizos de emerxencias e protección civil da Comunidade Autónoma de Galicia que previamente teñan superado o curso básico de protección civil e o curso de 2º nivel de accidentes na estrada.

Os interesado en participar e que cumpran os requisitos para realizar o curso poderán achegarse ata as oficinas municipais para cubrir a solicitude de participación.

Os voluntarios interesados en participar en ditas actividades poden anotarse nas diferentes categorías chamando ao teléfono 988 493000 en horario de 9:00 a 14:00 horas.