O concello de Castrelo de Miño, cofinanciado pola Consellería de Educación e Ordenación Universitaria, está organizando un Programa de Apertura de Centros Educativos fora do horario escolar co cal queremos ampliar os servizos que oferta o concello.

Nesta ocasión pensamos nos mais pequenos do concello e queremos motivalos a que realicen actividades saudables, actividades de habilidades persoais e actividades de apoio á mellora do éxito escolar.

As actividades estarán supervisadas por un monitor e adaptadas ás idades de cada grupo de participantes e, dependendo do número de nenos que participen nas actividades, organizaríanse distintos grupos en varias parroquias do concello.

As actividades comezaríanse a desenvolver o vindeiro 10 de agosto e é necesario que os pais interesados en que os seus fillos participen acheguen debidamente cumprimentada e firmada ás oficinas municipais a solicitude de autorización que se adxunta a maior brevidade posible.

O calendario de actividades sería o seguinte:

O pasado 6 de xullo de 2009, publicouse no Diario Oficial de Galicia nº 130, a Resolución do 19 de xuño de 2009 pola que se abre o prazo de presentación de solicitudes para que os traballadores autónomos poidan tramitar as axudas para a compra de ordenadores persoais a través das entidades colaboradoras coa Consellería de Economía e Industria, e se procede á publicidade da relación das ditas entidades colaboradoras seleccionadas ao abeiro da Orde do 26 de xuño de 2008 (procedemento administrativo IN533A, publicado no Diario Oficial de Galicia número 129, do 4 de xullo de 2008).

O prazo de solicitude permanecerá aberto ata o 10 de novembro de 2009, ou ata que se esgote o crédito orzamentario.

As entidades colaboradoras de Ourense nas que se pode solicitar dita axuda son:

O pasado 8 de abril 2009, publicouse no Diario Oficial de Galicia nº 68, a Orde do 18 de maio de 2009, da Consellería de Cultura e Deporte, pola que se aproban as bases reguladoras para a concesión de axudas, en réxime de concorrencia competitiva, a asociacións e institucións culturais de ámbito territorial igual ou superior ao provincial para a realización de actividades culturais, e se procede á súa convocatoria para o ano 2009. (CD205A).

Esta orde ten por obxecto a subvencións para a realización de programas ou actividades destinadas á promoción e cooperación e á difusión e animación sociocultural, contribuíndo ao espallamento e promoción da cultura galega. En concreto:

1. Programas de actividades culturais concretos, en particular aquelas destinadas á promoción e cooperación cultural; á difusión que contribúen ao espallamento da cultura galega, gastos de persoal para a dirección e coordinación das actividades.
2. Inclúese nesta orde os programas e actividades desenvolvidas desde o 1 de xaneiro de 2009 ate a data límite de xustificación desta orde.

Serán beneficiarios desta orde as asociacións e institucións culturais sen ánimo de lucro, con domicilio social en Galicia, que teñan un ámbito territorial de actuación igual ou inferior á provincia e que na data de finalización do prazo de presentación de solicitudes se atopen legalmente constituídas e inscritas nos rexistros correspondente, así como no censo de actividades culturais da Consellería de Cultura e Deporte.

A documentación que deberá acompañar a solicitude e a seguinte:

- Fotocopia do NIF ou CIF fa entidade e DNI do representante.
- Documentación que acredite a representación da persoa que formula a solicitude.
- Declaración de subvenciones solicitada para o mesmo fin ás administracións públicas (anexo II).
- Memoria relativa ao programa ou actividade que se vai desenvolver que constará como mínimo de :

• Descrición o mais detallada posible do programa e de cada unha das actividades que o compoñen.
• Xustificación do seu interese, orixinalidade e carácter innovador.
• Contribución ao fomento e difusión da cultura galega.
• Emprego da lingua galega.
• Potencial número de beneficiarios do programa ou actividade.
• Repercusión territorial.

- Calendario de execución de cada unha das actividades.
- Orzamento desagregado de ingresos e gastos de cada unha das actividades que integran o programa.

O prazo de presentación de solicitudes será ata o 8 de maio de 2009.

O pasado 8 de abril 2009 publicouse no Diario Oficial de Galicia nº 68, a Orde do 1 de abril de 2008, da Consellería de Cultura e Deporte, pola que se establecen as bases reguladoras para a concesión, en réxime de concorrencia competitiva, de subvencións a asociacións, fundacións e entidades culturais sen ánimo de lucro para o equipamento e mellora dos seus locais, e se procede á súa convocatoria para o ano 2009. (CD221A).

Esta orde ten por obxecto a subvencións destinadas á mellora dos locais das asociacións, fundacións e entidades culturais sen ánimo de lucro para o ano 2009, no que atinxe á mellora do equipamento e mobiliario. Para os efectos desta convocatoria, enténdense por locais de asociacións, fundacións e entidades sen ánimo de lucro aqueles que son propiedade das citadas entidades, sitos en Galicia e que contribúan como sede destas entidades ao espallamento da cultura galega e da nosa identidade como pobo diferenciado.

Serán beneficiarios desta orde as asociacións, fundacións e entidades culturais sen ánimo de lucro que na data de finalización do prazo de presentación de solicitudes estean legalmente constituídas e inscritas no Censo de Entidades Culturais da Consellería de Cultura e Deporte, con domicilio social en Galicia e que desenvolvan as súas actividades habitualmente en Galicia.

A dotación das axudas será:

- Mobiliario, equipamento e material inventariable: Máximo por beneficiario 10.000 euros.
- Acondicionamento e mellora dos locais Máximo por beneficiario 20.000 euros.

A axuda máxima por beneficiario que concederá a consellería será de 30.000 euros, que en ningún caso poderá exceder do 75% do proxecto que se vaia desenvolver.

A documentación a presentar para solicitar dita axuda será:

- Solicitude cuberta consonte o modelo que figura no anexo I desta orde.
- Fotocopia do DNI do solicitante, CIF da entidade e, se for o caso, un poder que habilite para representar a entidade para este efecto, outorgado polo órgano de goberno da entidade.
- Declaración do solicitante das axudas solicitadas ou concedidas (anexo II).
- Memoria explicativa e detallada do proxecto ou proxectos que se vaian desenvolver, en que se xustifique a necesidade.
- Certificado do responsable da institución, comprometéndose a achegar a porcentaxe do orzamento do proxecto que lle corresponda, conforme o anexo III.
- Orzamento relativo o proxecto ou proxectos que se van desenvolver.
- Memoria, asinada polo responsable da institución, en que se describan as actividades ou programas levadas a cabo pola entidade, no ano 2008.
- Memoria da entidade, onde se faga constar a súa traxectoria cultural.
- Documentación que acredite a propiedade do edificio ou local da entidade.

O prazo de presentación de solicitudes será ata o 8 de maio de 2009.

O pasado 3 de abril de 2009 publicouse no Diario Oficial de Galicia nº 65  a Orde do 11 de marzo de 2009 pola que se establecen as bases polas que se rexerá a concesión da presentación económica de pagamento único por fillo/a menor de tres anos para o ano 2009. (VP410A).

Esta orde ten por obxecto establecer as bases polas que se rexerá a concesión da prestación familiar por fillo/a menor de tres anos así como a convocatoria destas axudas para o presente ano 2009.

Serán beneficiarios desta orde:

- As persoas que teñan ao seu cargo fillos/as menores de tres anos á data do 1 de xaneiro de 2009 (nacidos entre o 02/01/2006 e o 01/01/2009, inclusive).
- Nos supostos de nulidade, separación ou divorcio dos proxenitores, o beneficiario da prestación será o pai/nai que teña a custodia dos fillos/as.
- Os estranxeiros que residan en Galicia poderanse beneficiar desta prestación sempre que cumpran as condicións da Lei orgánica 4/2000, sobre dereitos e liberdades dos estranxeiros en España e os requisitos establecidos nesta norma e tivesen a condición de contribuíntes aos efectos do disposto na Lei 35/2006, do 28 de novembro, do imposto da renda das persoas físicas.

Os requisitos necesarios para a concesión da prestación serán:

- Que os proxenitores teñan a súa residencia habitual en Galicia.
- Que na data de solicitude os nenos/as convivan coa persoa solicitante.

O prazo de presentación de solicitudes rematará o 13 de maio de 2009.

O pasado 17 de febreiro de 2009, publicouse no Diario Oficial de Galicia nº 33, a Orde do 31 de decembro de 2008, da Consellería de Innovación e Industria, pola que se aproban as bases para a concesión de subvencións para adecuación dos establecementos comerciais ao seu contorno competitivo en desenvolvemento do Plan de renovación e mellora do comercio galego e se procede á súa convocatoria para o ano 2009. Código de procedemento IN214A.

Esta orde ten por obxecto aprobar as bases polas que se rexerá a concesión das subvencións da Consellería e Innovación e Industria que teñen por finalidade a renovación do comercio retallista galego e a incorporación das novas tecnoloxías da información á xestión dos establecementos comerciais co obxectivo de adaptar as súas estruturas ao seu contorno de maneira máis competitiva.

Serán beneficiarios desta orde, sen prexuízo de reunir os demais requisitos establecidos nestas bases, os comerciantes retallistas, xa sexan persoas físicas ou xurídicas, sociedades civís e comunidades de bens, legalmente constituídas que cumpran os seguintes requisitos:

a) Que desenvolvan a súa actividade en establecementos comerciais ou no comercio ambulante no territorio galego e que, de ser o caso, os investimentos se realicen en establecementos comerciais situados na Comunidade Autónoma de Galicia. No caso dos comerciantes ambulantes será requisito necesario que estean inscritos no rexistro de comerciantes ambulantes ou que teñan solicitada a inscrición con anterioridade á data de finalización do prazo de presentación de solicitudes.
b) Que a súa actividade principal estea incluída nalgunha das agrupacións ou epígrafes correspondentes á clasificación do imposto de actividades económicas que figuran no anexo V desta orde. No caso de que o solicitante estea dado de alta en dúas ou máis epígrafes do IAE, entenderase como actividade principal aquela que comporte a maior facturación e, se isto non fose posible de determinar, atenderase á superficie de venda destinada a cada actividade.
c) Que non superen os dez traballadores.
d) Que os seus locais comerciais non superen os 300 m2 de superficie comercial destinada a exposición e venda ao público. (Quedan excluídos para o cómputo da dita superficie as oficinas, almacén, salas de refrixeración, talleres e outros locais dedicados á elaboración ou manipulación de produtos, aulas, aseos, etc…), salvo no caso dos vendedores ambulantes.

Os solicitantes non poderán estar incursos en ningunha das circunstancias previstas no artigo 10 da Lei 9/2007, do 13 de xuño, de subvencións de Galicia.

Os beneficiarios desta mesma orde nas súas convocatorias do ano 2007 e 2008 non poderán ser novamente beneficiarios para os mesmos conceptos xa subvencionados, salvo que se trate de investimentos que sexan destinados a un establecemento comercial de nova apertura.

O prazo de presentación de solicitudes rematará o 18 de marzo de 2009.

O pasado 16 de febreiro de 2009, publicouse no Diario Oficial de Galicia nº 42, a Orde do 31 de decembro de 2008, da Consellería de Innovación e Industria, pola que se establecen as bases reguladoras para a concesión, en réxime de concorrencia competitiva, de subvencións para a modernización de comercios situados en zonas rurais da Comunidade Autónoma de Galicia en desenvolvemento do Plan de renovación e mellora do comercio galego e se procede á súa convocatoria para o ano 2009. (IN-218A).

Esta orde ten por obxecto aprobar as bases polas que se rexerá a concesión das subvencións da Consellería e Innovación e Industria destinadas a promover e incentivar a modernización e a implantación de comercios situados en zonas rurais de Galicia.

Serán beneficiarios desta orde, sen prexuízo de reunir os demais requisitos establecidos nestas bases, os comerciantes retallistas, xa sexan persoas físicas ou xurídicas, sociedades civís e comunidades de bens, legalmente constituídas que cumpran os seguintes requisitos:

a) Que desenvolvan ou inicien a súa actividade en establecementos comerciais situados en zonas rurais da Comunidade Autónoma de Galicia.
b) Que a súa actividade principal estea incluída nalgunha das agrupacións ou epígrafes correspondentes á clasificación do imposto de actividades económicas relacionadas no anexo VI desta orde.
c) Que non superen os dez traballadores.
d) Que os locais comerciais non superen os 300 m2 de superficie comercial destinada á exposición e venda ao público. (Quedan excluídos para o cómputo desta superficie as oficinas, trastendas, almacéns e salas de refrixeración, talleres e outros locais dedicados á elaboración ou manipulación de produtos, aulas, aseos, etc.).

Os solicitantes non poderán estar incursos en ningunha das circunstancias previstas no artigo 10 da Lei 9/2007, do 13 de xuño, de subvencións de Galicia.

O prazo de presentación de solicitudes rematará o 18 de marzo de 2009.

O pasado 3 de febreiro de 2009 publicouse no Diario Oficial de Galicia nº 23, a Orde do 2 de febreiro de 2009, da Consellería de Innovación e Industria, que regula a concesión de axudas por danos causados nos establecementos comerciais, industriais, turísticos e mercantís e nas infraestruturas enerxéticas e turísticas de titularidade municipal, pola que se desenvolve o Decreto 13/2009, do 29 de xaneiro, de medidas urxentes para a reparación dos danos causados polo temporal acaecido en Galicia a partir do 23 de xaneiro.

Esta orde ten por obxecto convocar axudas para reparar os danos que como consecuencia do temporal acaecido en Galicia a partir do día 23 de xaneiro de 2009 se ocasionaron en:

        1.- Establecementos comerciais, industriais, turísticos e mercantís incluídos no ámbito competencial da Consellería de Innovación e Industria. Quedan excluídas as actividades de xeración, transporte e distribución de enerxía eléctrica.

        2.- Infraestruturas enerxéticas e turísticas de titularidade municipal. Quedan excluídas as infraestruturas de xeración, transporte e distribución de enerxía eléctrica

Serán beneficiarios desta orde os titulares de establecementos comerciais, industriais, turísticos e mercantís incluídos no ámbito competencial desta consellería nos que se producisen danos. Para estes efectos consideraranse os danos causados nas súas edificacións, instalacións, maquinaria, e nas mercadorías neles depositadas, así como nos vehículos comerciais ou industriais afectos a estas actividades.

A contía da axuda será de ata o custo da reparación ou reposición dos danos ocasionado nas edificacións, instalacións, maquinaria e nas mercadorías neles depositadas, así como nos vehículos comerciais ou industriais afectos á actividade comercial, industrial, mercantil ou turística

O prazo de presentación de solicitudes rematará o 3 de marzo de 2009.

O pasado 3 de febreiro de 2009 publicouse no Diario Oficial de Galicia nº 23, a Orde do 2 de febreiro de 2009, da Consellería do Medio Rural, pola que se convocan axudas para as explotacións agrícolas e gandeiras ao abeiro do Decreto 13/2009, do 29 de xaneiro, de medidas urxentes para a reparación dos danos causados polo temporal acaecido en Galicia a partir do 23 de xaneiro.

Esta orde ten por obxecto regular as axudas para a reparación dos danos e perdas causados en explotacións agrícolas e gandeiras, tanto nas instalación e edificacións propias da actividade como nas producións afectadas, que non fosen cubertas polas medidas que puidesen adoptar outras administracións ou por calquera fórmula de aseguramento, público ou privado.

Serán beneficiarios desta orde:
        1.- As persoas que teñan a condición de agricultor/a profesional, entendido como a persoa física titular dunha explotación agrícola, gandeira ou forestal, que requira un volume de emprego de, polo menos, unha unidade de traballo anual e que obteña, polo menos, o 25% da súa renda de actividades agrarias.

        2.- Poderán selo, así mesmo, as persoas, físicas ou xurídicas, titulares destas explotacións que, non reunindo as características de agricultor profesional, empreguen, polo menos, media unidade de traballo anual

O prazo de presentación de solicitudes rematará o 3 de marzo de 2009.

O pasado 3 de febreiro de 2009 publicouse no Diario Oficial de Galicia nº 23, a Orde do 2 de febreiro de 2009, da Consellería de Economía e Facenda, pola que se establecen as bases reguladoras e se convocan a concesión de axudas e subvencións por danos persoais, previstas no Decreto 13/2009, do 29 de xaneiro, de medidas urxentes para a reparación dos danos causados polo temporal acaecido en Galicia a partir do 23 de xaneiro.

Esta orde ten por obxecto establecer as bases reguladoras e a convocatoria dun procedemento de concesión de axudas relativas aos seguintes danos persoais causados polo temporal:

        1.- Falecemento.

        2.- Incapacidade absoluta permanente.

        3.- Lesións que causen a hospitalización da persoa ferida.

Serán beneficiarios desta orde as persoas afectadas pola incapacidade absoluta permanente ou lesións que causaren a hospitalización cando o feito causante teña a súa orixe nos acontecementos do temporal, no caso de morte os beneficiarios serán as vítimas indirectas que reúnan calquera dos requisitos recollidos nesta orde.

As axudas concederanse de acordo cos seguintes criterios:

        1.- 18.000 euros para o caso de falecemento ou incapacidade permanente absoluta.

        2.- Entre 60 e 103 euros por día no caso das lesións que requiriron período de hospitalización, os gastos de asistencia médica e hospitalización, así como outros gastos persoais que se acrediten.

O prazo de presentación de solicitudes rematará o 3 de marzo de 2009.